孫耀威（老孫）和鍾舒漫等前晚到將軍澳東港城欣賞世界盃阿根廷對德國。老孫穿上阿根廷波衫支持，但最終阿根廷敗陣，他說：「我估阿根廷贏3比2 o架，其實我支持荷蘭隊已經幾十年。」
原來老孫日前和女友陳美詩與一班朋友在家中睇荷蘭對巴西，由於他的朋友全捧巴西，當荷蘭贏波時，朋友就變得鴉雀無聲，他笑說：「原本大家食飯好friend，但巴西一輸咗就冇偈傾。」
老孫自言人生有四件大事必做，包括現場欣賞NBA、奧運100米田徑賽、溫布頓網球賽和世界盃，他笑言做齊就死而無憾，他希望與未來老婆一齊分享。有指陳美詩被母親催婚，老孫說：「結婚隨緣，我享受拍拖生活，其實我媽媽都鍾意美斯，係阿根廷嘅美斯，但佢都因為美詩先鍾意美斯。」
from:
http://hk.apple.nextmedia ... art_id=14204335
