森美、杜汶澤、田蕊妮等前晚到九龍灣出席動畫片《史力加萬歲萬萬歲3D》首映禮，森美第一次聲演奸角做侏儒怪，他自言今次利用很多高低音去演繹，就連夢工場都派人監察住他配音，他更自爆以好拍檔阮小儀發嬲的樣子做參考。
至於有否拿杜麗莎做參考時，曾被杜麗莎在《超級巨聲2》中喝罵的森美即抵死笑說：「你哋講開佢又有啲似侏儒怪，唔係話佢似，係佢把聲高低起伏似。」森美亦自言會邀請杜麗莎一家欣賞電影，更同時邀請埋自己一家及陳潔靈一家。
而同場的岑潔儀就自爆十分喜歡史力加，問她是否喜歡醜男也不要帥哥時，她就說：「成熟穩重為主，外貌唔緊要，自己嘅男友都唔靚仔，靚仔令人冇安全感。」
此外，杜汶澤自爆暫無意生育下一代，因為覺得要煩很多東西，而身旁的妻子田蕊妮即搶說：「你哋唔使擔心，如果我想生仔，就會搵晚強姦佢。」
from:
http://hk.apple.nextmedia ... art_id=14171101
