杜汶澤、森美、許誠毅與一班o靚模昨日出席在九龍灣舉行的《史力加萬歲萬萬歲》電影發佈會，一班o靚模以低胸短裙出現，其中Da Da、A.Lin與師妹Betrys最為搶鏡，盡騷胸前事業線，Betrys說：「其實我只係得32B，都想個胸再大啲，着衫可以好睇啲。」
相反三個男人就長袖衫加外套，阿澤笑說：「我呢啲話晒都係中年男人，梗係要着多啲，點同啲少女卜卜脆。」他又自嘲有中年危機，與老婆田蕊妮結婚多年，還未造人，會否怕被人懷疑其性能力？阿澤說：「我都仲未諗清楚要唔要細路，而且老婆簽咗無綫，都冇時間見，冇機會造人。」此外，森美被指思覺失調及腎虧，他昨日說：「我去醫院只係探我阿公，講咗畀個記者聽，佢都要咁寫冇辦法，睇中醫只係傷風感冒，之前整親條腰個腎係弱啲，但冇虧。」
from:
http://hk.apple.nextmedia ... art_id=14068057
