電影《波斯王子：超時空之戰》前晚於太古城舉行首映，鄭丹瑞（阿旦）帶同兩名女兒到場，二人均作性感打扮，成為焦點。阿旦笑言兩名女兒已達合法年齡，管也管不了。
鄭丹瑞與兩名女兒、白韻琴、謝偉俊、岑潔儀與好友林雋健、胡心諾及師妹等人，前晚於太古城中心出席電影《波斯王子：超時空之戰》首映禮。當中阿旦的兩名女兒鄭瑤與鄭珉打扮性感，成為焦點，他笑言不敢對女兒的衣着多加意見，他說：「兩個女都大個啦，一個19歲一個18歲啦，佢哋着乜我都唔會多加意見，咁佢哋都會帶外套同披肩，喺我面前OK o架。兩個女咁大，喺法律上可以唔理我，不過佢哋都未拍拖。」阿旦又透露大女現於美國留學，細女暑假後都會到當地升學，屆時他會陪同女兒到美國。
另外岑潔儀與Sky前成員林雋健一同到場，問二人是否拍拖？林雋健搶着說：「我對佢有feel，佢啲緋聞男友咁勁，我都打消呢個念頭，我同佢係好兄弟冇可能發展。」
此外，日前於五區公投落敗的白韻琴於首映禮被問到心情平復未？她說：「我心情冇起伏過，我係打擊黃毓民嘅暴力政治，我對佢暴力掟蕉掃枱say no。社民連啲後生勁過泰國紅衫軍，用性別同年齡鬧我，話我老妖怪同共產黨。」白韻琴又否認因落敗而哭，她續說：「我點解要喊，我對呢啲人恥笑。」
from:
http://hk.apple.nextmedia ... art_id=14044351
