無線長壽節目《勁歌金曲》踏入30週年，曾參與過節目的台前幕後包括李克勤、許志安、汪明荃及陳百祥等，前晚於九龍塘飯局慶祝，約有70人出席，因事未能現身的鄺美雲、許冠傑及譚詠麟等，皆出錢資助抽獎，令抽獎現金總值10萬，將氣氛推向高峰。
鄭丹瑞發起飯局慶祝《勁歌》踏入30年，一呼百應。
難忘回憶
發起今次飯局的鄭丹瑞說：「之前我約咗小美同林珊珊等飯局，之後喺專欄寫咗出嚟，即刻有好多舊同事問點解冇佢哋份，我咪開whatsapp群組傾囉，結果一呼百應，最感動係平日冇出現嘅，今次都出現曬。」安仔受訪時不諱言《勁歌》帶給他不少難忘回憶：「我做過客席主持，以前我哋（歌手）好鍾意上去《勁歌》嗰組人度傾偈，又會喺ＭＶ剪片方面畀嚇意見。」獲邀參與飯局的經理人黃柏高透露稍後會為旗下藝人鄧麗欣接拍新戲：「會係浪漫愛情片。」又謂不怕薛凱琪呷醋。
文：影視組
汪明荃與羅家英（圖）前後腳到場。
汪明荃
From:
http://orientaldaily.on.c ... /00282_024.html
