師兄劉浩龍和藍奕邦昨日到新城宣傳新片《飛砂風中轉》，原來師兄在戲中扮演深入民心的卧底陳永仁，之前為準備拍攝，特地重溫《無間道》數十次。問到可擔心被比較時，師兄笑說：「導演一早同偉仔講咗有人扮佢，不過就冇講係邊個，首映我都唔敢邀請佢，怕到時噓聲四起呀。」
首次於電影中演出的藍奕邦，原來是被導演欽點，他說：「因為部戲係黑色幽默，加埋我係全行最唔似蠱惑仔嘅，仲話我係殺人唔眨眼，希望大家到時笑得大聲啲啦。」提到與元祖蠱惑仔合作時，師兄說：「大家都掛住伊健同小春，同佢哋合作再拍呢類電影係好難得經驗，但係部戲其實係講家冇人想做大佬，蠱惑仔已經好out喇。」
from:
http://hk.apple.nextmedia ... art_id=14019996
