有34D咪神之稱的徐淑敏（Suki）去年火速嫁給飲食才俊黃浩（Kenny），二人昨日榮升父母，Suki早產誕下7磅小虎女，她更為皮膚白滑的囡囡改英文名Vianna。
現年25歲的徐淑敏去年與黃浩奉子成婚，在短短一年間完成拍拖、結婚和生女三件人生大事，本來擇定吉日下周二（23日）剖腹生產的Suki，腹中囡囡昨日急不及待出世，Kenny昨午見太太作動，即送她進養和醫院，昨晚7時多順利剖腹誕下重7磅的囡囡，母女平安。
「BB對住我笑」
Kenny昨午準備跟Suki吃午飯時，她忽然作動，於是Kenny火速送她入院，更入產房見證囡囡出世，他表示全程雖然只有15分鐘，但他非常感動，因為現場太緊張，醫生沒安排他替BB剪臍帶。
記者昨日致電恭喜榮升爸爸的Kenny，他說：「好開心，Suki下身麻醉生BB，我一直陪住佢傾偈，BB重7磅，好健康，佢出咗嚟醫生就遞畀我抱，BB仲對住我笑，抱咗一陣都已經唔捨得，醫生安排佢入保溫箱。囡囡腳長長，我抱佢時係咁郁，佢眼大大似我，但其他似媽咪，咁樣靚啲。」Kenny透露Suki由陀B到生B，全程都很舒服，這幾天他會留在病房貼身照顧妻女。
問到送樓還是送車獎勵老婆？Kenny說：「我乜都送晒。」Suki這次並未一索得男，兩夫婦沒有失望，原來Kenny非常恨女，他們產前已替小B女想好英文名Vianna，Suki日前笑說：「因為我陀住佢嘅時候，最鍾意食呍呢拿雪糕，所以就諗到呢個名囉，至於中文名就等BB出咗世先改。」
from:
http://hk.apple.nextmedia ... art_id=13824145
