無綫前總經理何定鈞，昨日出席活動時，對於涉貪被捕的陳志雲，他說：「我退休五、六年，依家變化多端，但無綫對呢件事處理好好。寄語佢處之泰然。（高層係咪應避忌？）人在江湖，身不由己，但處事應該頭腦清醒。」
演唱會資深搞手丘亞葵說：「我搞騷好單純，輸贏睇天命，同無綫合作過，純商業交易。（無綫有漏洞？）任何機構都可能有漏洞，我好少同陳志雲聯絡，同叢培崑亦冇合作過。」
吳雨則不欲多談：「唔係封嘴，係唔清楚，唔知乜事又調查緊，作為朋友會擔心，關心就係最好支持。（英皇十周年騷都係錢國偉搞。）交咗畀TVB，TVB安排邊個就邊個。（你當年牽涉入舞影行動。）過咗去，唔多講。」
現任無綫製作主任（綜藝及體育科）何小慧說：「今日（昨日）開周五例會，講基本嘢，錢國偉節目等何麗全安排，作為同事會唔開心，希望佢冇事。（你哋係咪好易受誘惑？）我唔知點答，但清楚公司指引。（係咪存在利益輸送？）我唔覺，會跟公司程序工作。」
如果您喜歡這篇文章，請按「讚」或分享給您的朋友，以示鼓勵。
