鄭嘉穎早前在西貢為一個治療男士脫髮的品牌拍廣告，在廣告上嘉穎以男性脫髮關注大使身份，向受困擾的男士宣揚正確訊息去解決問題，廣告當中更不乏一些動作鏡頭，嘉穎笑說：「自從拍完《烈火雄心3》後，多咗人搵我拍動作戲，今次喺廣告入面，我要爆玻璃同吊威吔，我覺得出嚟效果特別。」酬勞方面，嘉穎說：「今次我哋會合作兩年，酬勞都好滿意，我反而覺得係一個好嘅開始，希望今年可以豐收。」
脫髮一向被視為「男人最痛」，問到嘉穎會否藉此向身邊朋友推介？他說：「會推介俾有需要嘅人，我哋拍古裝戲要戴頭套，成日焗住頭髮，戴得頭套多梗係會令毛孔有問題，點會健康？」眼見嘉穎的頭髮頗為濃密，似乎未有這方面的煩惱，他說：「我正式嚟講只係拍過一部古裝戲，但我又唔抗拒拍古裝，如果唔拍古裝戲，點打入內地市場呀？」
from:
http://hk.apple.nextmedia ... art_id=13791535
