梁洛施（Isabella）母憑子貴，去年4月為富商李嘉誠誕下男孫長治後，受寵程度不斷提升，想不到未夠一年，又傳出有喜，有指她已有身孕三個月，男友李澤楷（小小超）為方便照顧她母子，御准她留港定居。
梁洛施08年邂逅鑽石王老五電訊盈科主席李澤楷後，其命運從此改寫，不但可以脫離英皇娛樂公司回復自由身，還學習上等人生活，獲男友安排在美國生活和學英文，在兩人的濃情蜜意下很快就有了愛情結晶，21歲的她去年4月就為李家誕下麟兒長治，長治的誕生更改善了李澤楷與父親的關係。
適時公佈好消息
對於再度懷孕傳言，記者昨日聯絡了Isabella發言人盧覓雪，她在電話中表示：「私人嘢唔回應喇，將來如果有喜訊一定話畀大家知。」問到Isabella母子是否決定回流在港定居？她說：「呢啲都唔會講喇，佢哋好低調，大家畀啲空間佢哋啦。」
Isabella好友譚耀文昨日表示不知好友懷孕，他說：「消息真定假先，我真係要問吓佢，如果真係有都戥佢開心嘅。新年我要趕戲冇返香港過年，但我有同Isabella通過電話，大家拜吓年。」
from:
http://hk.apple.nextmedia ... art_id=13763982
