梁洛施興奮舉V慶祝舞台劇圓滿結束。
梁洛施（Isabella）與詹瑞文主演的舞台劇《快樂勿語》，一連九場前晚於文化中心落幕，尾場有劉嘉玲、文穎珊（Janice Man）、卓韻芝和蔡卓妍（阿Sa）等捧場。從舞台劇開始宣傳，每次現身都樂意分享跟舊愛李澤楷及三個兒子家事的Isabella，前晚完騷後被問到李嘉誠開綠燈讓她入豪門的報道時，即刻封嘴避談：「唔講喇！」至於有否與李家聯絡？她依然是那個答案：「唔講喇！」
回港時肥豬
有關李嘉誠新聞避而不談，其他話題Isabella就滔滔不絕，談到演出感受時更眼泛淚光，她說：「好感觸，好開心有機會演出，亦都好興奮，我愛上演舞台劇，好滿意自己，瞓晒身去做，好好玩。」詹Sir說：「佢返嚟嗰陣係一隻肥豬，我冇嫌棄佢，做演員唔只睇外形，仲要睇有冇心，呢半年嘅佢夢想一步步實現，由唔太識得表演，到𠵱家揮灑自如，令我感動，我畀佢99分。」
Isabella談演出感受時眼泛淚光。
JM堅持跟闊少只是好友。
阿Sa放完假後明顯增磅。
阿Sa冇形象
對於入座率被指僅得七成，Isabella的復出大計受到影響，Isabella淡定回應：「冇影響，媒體都要工作要賣書，反而我自己真係每日都好努力去做。」
捧場的Janice Man之前被拍得與闊少鄭子邦食飯搣面珠調情，她重申大家僅是好友，不會因緋聞斷絕來往，更事先張揚約了鄭子邦昨日一起派飯做善事。與Isabella分屬好友的阿Sa，跟詹Sir都是師徒關係，她自稱對演舞台劇深感興趣，問是否願意像Isabella或張敬軒般放下形象演出？阿Sa笑說：「我有咩？我嘅形象就係冇形象。」
梁洛施、詹瑞文跟台前幕後人員篤爆汽球賀煞科。
舞台劇常客卓韻芝現身捧場。
from:
http://hk.apple.nextmedia ... 140610/18751751
