曹敏莉帶愛犬討利是

香港小姐曹敏莉（Mandy）與胞妹曹蕙蘭（前名曹敏寶）帶愛犬到寵物超市辦年貨過年。Mandy兩頭寶貝貴婦狗分別是啡色雄性歲半的Honey和白色雌性一歲的Belle，牠們去到超市雀躍得似甩繩馬騮，兩姐妹費盡力氣又嚇又氹才令牠們定下來。曹敏莉為愛犬添置了賀年衫、狗糧及零食，滿載而歸，她說：「已經教識咗佢哋請，新年會帶埋佢哋去親戚屋企拜年討利是。」




最近改名的曹蕙蘭講到屋企過年習俗？她笑說：「我哋屋企新年有個習俗，係大家會不停同對方講恭喜說話，可以恭喜幾個鐘咁誇，咁就會好事成真。」