李克勤昨日舉行新碟《THREESOME》簽唱會，由於無綫跟HKRIA就版稅問題仍未解決，克勤坦言新碟少了渠道宣傳感到不習慣，他說：「以前出碟會上好多Live節目，但我隻碟出咗個幾近兩個月，有兩首新歌都係今日第一次唱，真係有啲唔慣，不過可以配合屋企嘅宣傳陪多啲太太！」
簽唱會上，克勤與歌迷大玩遊戲兼送禮物，當司儀拿走歌迷手中的有線咪時多次表示：「呢支係『有線』咪，睇住地下條線！」克勤即笑笑口說：「使唔使講咁多次呢兩個字呀！」對於張學友早前被曾志偉拉攏用廣東話接受無綫及有線訪問，克勤坦言：「冇乜所謂，尤其學友同無綫冇合約，佢地位又舉足輕重，唔會有乜影響！」克勤透露唱片及無綫合約仍有數個月便約滿，故兩份約均會交由經理人代為洽談，而昨日有線亦有派記者採訪，但克勤堅持要履行合約精神而拒絕受訪。
