2R姊妹黃婉君（Rosanne）與黃婉佩（Race）昨午現身銅鑼灣鬧市，宣揚關注空氣污染問題，Race男友向佐身體力行支持女友行善。近日跟鍾欣桐（阿嬌）拍戲鬧出緋聞，向佐昨日主動在女友前澄清說：「我唔係維護另一個人，我係維護我女友，我喺Email收咗幾張佢send畀我嘅相，仲用英文寫咗啲嘢，但我睇唔明寫乜。」
向佐表示跟女友一齊收看電郵，更說：「佢係100%好女友，好體諒我，令佢唔開心我會俾媽咪鬧，媽咪話買條鞭畀佢鞭我。」若果再有女生以電郵傳相怎辦？向佐說：「可以send，咪同佢（Race）一齊睇嚟笑囉，我畀電郵人係為工作，阻唔到人哋點用。」獲男友愛的宣言力撐，Race感動到眼紅紅並說：「唔好為唔好嘅嘢污染環境。」男友一番話是否令空氣清新？她說：「清新好多。」向佐表示電影宣傳再遇阿嬌不覺尷尬，因為尷尬應該是對方。
採訪、攝影：馬建華
from:
http://hk.apple.nextmedia ... art_id=13705387
