蜜運中的鍾欣桐（阿嬌）前晚出席新片首映禮，獲韓籍男友權寧一（K先生）專誠捧場，雖然現場人頭湧湧，但K先生只眼定定望住阿嬌，認真癡情！不過阿嬌就「投訴」男友太忙，沒有時間陪她學跳舞。
阿嬌前晚一面風騷出席首映，不過就「投訴」男友太忙。
由國藝影視、英皇電影聯合投資的《葉問—終極一戰》，前晚於尖沙咀舉行盛大首映禮，楊受成夫婦、冼國林、洪天明夫婦、葉準、薛家燕、林小明、黃百鳴等均有到場，主角秋生與白鶴派、蔡李佛等九大門派代表在台上互相致送紀念品。
秋生擬告誹謗
女主角阿嬌與男友K先生分開到場，她笑言自己沒有請男友出席：「係黃秋生叫佢嚟，佢（男友）知道有得睇首映，話『好緊張』，又問我緊唔緊張，我又唔係第一次，佢睇過好戲、好劇，會推薦我，又陪我睇一次，又有睇過我啲打片，（心痛你拍打戲？）佢都唔知睇得幾開心，其實我想搵佢一齊學舞，係拉丁舞，佢冇表態，只係話自己忙。（有冇幫你開拓韓國市場？）傾緊，我有叫佢教我韓文，佢會即席教，但我覺得有本書先至似樣。」而K先生到場入座後，即眼定定看着女友在台上的一舉一動，默默支持女友。
阿嬌與男友排排坐睇首映。黃秋生否認搭上拍檔周楚楚，並謂會追究到底。
至於身穿唐裝的秋生被問到會否邀請甄子丹和梁朝偉欣賞其作品時，他笑稱連自己都冇飛，至於會否邀請杜汶澤？他說：「關咩事呢？個個都可以睇，乜嘢係演技，你估人哋唔識咩？」而近日有民意調查指有市民不滿亞視，秋生似乎亦有不滿：「我個工人有次唔覺意轉台轉咗去亞視，我都叫快啲轉走，嗰次我見到有兩個博士用亂講嘅普通話，討論啲好認真嘅問題，我覺得好似睇緊小丑。」同場的陳小春則透露太太預產期為七月中，他說：「我會陪佢生，（驚血？）邊個唔驚呀？（老婆當你出氣袋？）男人雖然冇子宮，但都有賀爾蒙！不過，見佢個肚一日一日大，我都感受到佢辛苦。」
楊受成（中）率阿嬌等人祝酒，預祝票房大賣。
洪天明獲太太周家蔚（中）撐場。旁為朱慧敏。陳小春透露囝囝7月出世。
此外，昨日有報道指秋生搭上同片女演員周楚楚，秋生直言會採取行動，他說：「交咗畀律師，會循侵犯我家人私隱同誹謗兩個途徑研究，叫本雜誌準備接招！」
From:
http://orientaldaily.on.cc/cnt/e ...0327/00282_017.html
