廖碧兒、黎耀祥和馬國明等昨日於尖沙嘴出席「2010至愛優質中藥品牌大獎」，廖碧兒對於有報道指其前男友陳豪近日與佘詩曼因拍劇撻着，廖父因此找陳豪訓話，碧兒說：「我冇睇報道，平時我做嘢爹哋都會車我去，所以我身邊朋友同事都會識我爹哋。」
碧兒自言目前忙於工作：「我冇男友，我見公司同事仲多，連屋企嘅狗仔都冇時間睇。」至於報道中指陳豪用咖啡攻勢，問到碧兒攻勢是否強勁？她說：「我唔知，佢之前試過用好貴嘅咖啡豆煮咖啡畀我同成班工作人員飲，但我又試過整蛋糕畀佢同一大班人食，總之我都冇乜所謂，大家係朋友。」
此外，碧兒前晚在中環出席王仁曼得獎活動，被問到陳豪的新緋聞，她略帶醋意說：「聽聞過，如果係真嘅，咪戥佢開心囉，我學識咗一句叫有情人終成眷屬。」
