官恩娜（Ella）、何韻詩和苗可秀等人，昨天在上環拍攝新戲《東風坡》。戲中Ella飾演有白血病的病人，早前更要到義莊拍攝，她說：「有一幕我要對住十幾廿個棺材傾偈，要同真嘅屍體做戲。以前屍體係用道具，但今次係對住真嘅做，都會覺得有啲唔好意思，但我哋好尊重，當朋友傾偈。」問到Ella拍該幕前有沒有拜神，她說：「平時我唔拜神，但嗰日都有入鄉隨俗。」
另外，阿詩以一個師奶造型拍戲，她說：「戲入面講我有個五、六歲嘅仔，佢好乖，同埋好似我細個。真係引發咗我嘅母性，好想生番個小朋友，最好就生個仔啦﹗」最近她經常以較女性化打扮，是否藉此吸引異性，她說：「呢啲見仁見智，係吸引又或者令人彈開。」
