徐子珊昨日和黃宗澤於昂坪市集為新劇《情人眼裡高一D》取景，吸引不少遊客圍觀及索取簽名合照，其中更有師奶fans向黃宗澤大問：「點解胡杏兒唔嚟嘅？」令到宗澤尷尬萬分，只懂哈哈笑，徐子珊踢爆單是一個早上已有不少人提出同樣問題。黃宗澤說：「觀眾鍾意我哋呢個緋聞組合嘅，通常都係用哈哈或者係多謝答佢哋囉。」
求婚要鋪排兩人昨日被安排在浪漫水晶纜車上演一幕咀戲，感冒未愈的子珊說：「唔知會唔會交叉感染添？呢套劇真係我拍劇以嚟最多咀戲嘅一套，全部都係同黃宗澤。」問到會否咀出真感情？子珊說：「唔好啦，火花留番畀其他人，我同佢好熟，不嬲都當我係男仔，冇當過我係女，我同佢緋聞女友（胡杏兒）都好熟o架。」
至於黃宗澤則笑說雖然只是輕輕一咀，但都怕被子珊傳染，直言水晶車很浪漫，相當適合求婚，更表示求婚是一生人的大事，將來自己一定會好好鋪排。
