羅君左（斌仔）去年9月因糖尿病切除右小腿半截，傷口一直未癒合，其後再度切除僅餘的半截右小腿。斌仔的堅強意志令其主診醫生提名他，令他獲頒「再生會傑出生命獎」，昨日斌仔於九龍灣出席頒獎禮，更獲好友現身支持。
羅君左雖然受病魔重擊但他意志堅強，仍積極樂觀。這位抗病勇士昨日在好友林偉陪同下於九龍灣出席「十大再生勇士選擇」活動，獲大會頒發「再生會傑出生命獎」，令他十分開心。對於提名人乃其主診醫生，斌仔感激說：「因為醫生覺得我喺治療嘅過程當中嘅心理質素好好，所以就提名我。」
斌仔表示前日已正式出院，家中的設備亦已改良，但前日他於家中不慎跌倒。問到義肢何時可用到，他說：「家係用緊臨時義肢，真正嘅未做好，因為要合尺碼，家呢個唔係好舒服，大髀位好緊同埋好重。」問到斌仔目前起居生活上會否十分困難，他說：「其實一直以嚟每一樣嘢我都係自己去照顧自己！」
斌仔奪再生會傑出生命獎已很開心，對於十大勇士名銜，他說：「我真係覺得唔係時候，好多嘢自己都未正式去做，希望自己完成療程後，真正行得番再攞呢個獎，先覺得值得。」
黎耀祥昨日帶同太太及囝囝到場為眾人打氣及分享心得，他表示刻意全家出席：「我之前都有睇到十大勇士嘅個案，啲人成日話我哋捱得辛苦，相比起嚟，我哋真係微不足道。我哋藝人可以用我哋嘅知名度去喚起社會對佢哋嘅關懷同幫助。」
至於早年患癌的DJ邵國華，昨日同樣奪得「十大再生勇士獎」，他於台上感謝一直陪伴在身邊的太太及家人。
而黎耀祥、陳茵媺、鄭欣宜及毛舜筠等一班無綫處境劇《畢打自己人》演員，前晚拉隊到灣仔舉行煞科宴，當晚由監製及祥仔夾份出錢請眾台前幕後人員，欣宜更因捨不得其他人而當場落淚。
from:
http://hk.apple.nextmedia ... art_id=13612834
