羅君左重現肥姐風采

羅君左、吳麗珠、寶珮如、祝文君及譚偉權昨日在九龍灣為「Super疑似巨星演唱會」試造型，羅君左再一次扮肥姐沈殿霞，吳麗珠扮仙姐、寶珮如扮甄妮、祝文君扮盧冠庭、譚偉權扮哥哥張國榮，就似是將昔日的《EYT》重現舞台般。

羅君左雖然失了一條腿要坐輪椅，但無礙他模仿肥姐，一樣維肖維妙，他說：「上年5月之後就冇再扮過肥姐，雖然肥姐唔喺度，但佢仍然喺我哋心目中，因為個騷喺新年做，所以都係講啲開心笑話，明姐（林建明）問過我想扮乜，最後我揀扮肥姐同小鳳姐（徐小鳳），因為要扮兩個人，到時換衫要好快手，雖然我坐輪椅，但係已經諗到解決方法。」羅君左表示自從患病要切去一隻腳之後，反而忙碌過以前，訪問、慈善活動及搵錢工作等接踵而來。