有「翻版阿Sa」之稱的17歲o靚模周凱盈（Monique）早前承認藏毒，昨日被判12個月感化令。舊同事鍾蕙芝（Lavina）謂Monique已得大教訓，希望她遠離損友，不要再犯錯；其前度經理人Admond更謂若Monique改過，會考慮重新聘用她。
周凱盈去年在校內被發現藏有0.06克氯胺酮粉末（俗稱K仔），昨日她在東區裁判法院受審，被判12個月感化令。Monique沉淪毒海，令人生蒙上污點，與她曾是同學兼好友、又曾隸屬同一經理人的胡心諾昨在電話中說：「希望Monique遠離損友，讀好書，大家一齊考好會考啦。」
曾與Monique效力同一經理人公司的鍾蕙芝，昨日在電話中說：「希望佢得到警惕後，要警惕自己，始終係大教訓，唔容許再犯，今次就當係成長階段嘅一個經驗。Monique接受感化後要讀好書，遠離損友，同佢哋劃清界線，希望外界唔好戴有色眼鏡，接納番佢，等佢重新發展。」
之前Admond曾謂若Monique罪成永不錄用，昨日他卻說：「佢應該專心考會考先，過咗呢年感化，佢重新改過，我哋唔介意再聘用，會用freelance形式合作。」他又指Monique吸毒案應不會影響o靚模形象，因為不能一竹篙打一船人。
不過其公司現時甄選o靚模確比前謹慎，單是面談「查家宅」已傾幾粒鐘，故Admond透露今年推出新o靚模數量有限。另外，他又稱已了解Rainbow煲煙是中二、三時所發生，她並未上癮，目前她正於旺角一夜校讀中五課程，將參加會考。
from:
http://hk.apple.nextmedia.com/te ...462&art_id=13596748
