停工近一年的Lavina（鍾蕙芝），跟舊經理人公司解約後，打Botox變靚啲，接job傾嘢亦不求人，自己做埋！上週末，她到佛山夜場處女下海打碟，34E上圍左搖右擺，賣包打碟，引到台下蒲男多次衝上台，Lavina來者不拒，好識做。
收入勝從前
Lavina（鍾蕙芝）一○年與前經理人公司鬧翻解約，零job零曝光，急冰一年，去年才以「自由人」身份再度活躍，今年書展推出慈善寫真，但已勢不如前。
「我以前做嘅事講嘅嘢全部係公司安排，冇咗自己，而家大個咗識自己諗嘢，寧願唔要經理人，好多謝好多朋友介紹工作俾我，我而家接到嘅賺錢job，仲多過以前。」Lavina說。
在夜場打碟工時較長，比登台唱歌的酬勞高，有見及此，Lavina半年前開始學打碟，上週六（八月十一日）終於處女下海，到佛山夜場試身手，她表示稍後還會到廣州及深圳等地巡迴。
性感掛帥，出場前簽定大量泳衣相派給觀眾。
在人逼逼的夜店行到DJ台，蒲男眼金金𥄫實五吋深坑巨乳。
六保鏢護駕
主辦單位以電影《喜愛夜蒲2》演員介紹低胸超短裙打扮的Lavina，又安排六名保鏢傍住。凌晨十二時，由保鏢開路上台，Lavina一𠌥低身，心口肉爆出，隨音樂左右兩邊擺，睇到台下班慾男眼定定。
為免造成混亂，Lavina一直留守DJ台，其間有慾男衝上台，亦被保安擋住。
眼看手勿動前提下，Lavina順應蒲男要求，經常𠌥低身，露胸簽名，又跟玩遊戲勝出者影合照。
Lavina宣布送寫真，一男子即衝上台伸手搶，保鏢從後扯番對方落台（箭嘴）。
台下唔少蒲男爭住影Lavina春光，四眼仔（箭嘴）更衝上台要Lavina在其電話簽名，Lavina跟他咬晒耳仔，有求必應。
夜車上廣州
打碟演出維持個多小時，完騷後，Lavina由保鏢送入VIP房，與夜店老闆、工作人員等合照留影，其間有人郁手，企圖攬住Lavina，她即起踭擋開。
佛山演出後，Lavina未有即晚回香港，而是趕夜車到廣州，準備翌日斟談另一項工作。無論返內地夜場打碟或較早前到澳門，出席賭場晚宴做人肉布景板，Lavina大小通吃。
「我唔想好似以前，總之講多無謂，乜都做，賺錢最實際。」Lavina說。
Lavina逐一同夜店職員影相，有人乘機攬腰，Lavina醒目撥開
連保鏢也忍唔住頻頻勁𥄫，完騷後更爭相與她合照。
