因為與經理人鬧翻而被雪藏的鍾蕙芝（Lavina），沉寂多時，近日終於以個人姿態破冰而出，除早前推出慈善寫真外，近日更參演下周四上映的《喜愛夜蒲2》，她直言希望以新的一面與大家見面，她說：「嗰陣仲係年紀細，有經理人公司照顧有好有唔好，每次出嚟嘅衣着同談吐都唔係自己控制，但家可以好free，鍾意着乜衫就着乜衫，鍾意講乜嘢就講乜嘢，全部都係自己話晒事。」
學打碟搵人仔再戰江湖，Lavina坦言最初有些擔心，她說：「我初初都擔心冇咗公司幫手，工作安排都會有問題，但好彩有好多朋友，同埋以前合作過嘅公司都願意搵我，所以家嘅工作都好順利。」最近Lavina努力學打碟，有望北上賺人仔，她說：「今次本寫真係全國發售，我諗可以幫我打入內地，所以我都希望唔止做到善事，又可以令我事業更進一步。」
談到大計，Lavina說：「我啱啱開始接番工作，最近又拍咗兩部電影，但我最希望可以試吓做主持，呢個係我入行以嚟最大嘅夢想。」
Profile姓名：鍾蕙芝（Lavina）
三圍：34E、25、36
年齡：25歲
簡介：09年參加《美女廚房》上位，其後推出寫真，後來因與經理人鬧翻而被雪藏，最近以個人姿態再戰娛圈。
