原本拖手「慢遊」蘭桂坊，當記者埋身影相，藍莓同肥仔男友就驚到遮面原地轉，場面搞笑。
陳司翰拍拖光明正大，「味之天使」出身嘅藍莓（劉俐）就鬼祟得多。聖誕夜凌晨四點，藍莓同肥仔男友離開蘭桂坊Volar，期間，藍莓不斷露出痛苦表情，要男友拖實錫番。
溫馨唔夠一陣，記者上前影相，藍莓同肥仔男友驚到不斷遮面原地轉圈，左閃右避似十足旺角掃黃行動。
記者問係咪拍拖？個樣想喊想喊嘅藍莓淨係識答：「朋友之嘛！」之後肥仔男友幫手截的士，安排藍莓上車各有各散，被迫浪費大好春宵。
一手捧紅「味之天使」嘅無綫監製Wilson，當晚有兩位o靚模陪玩陪食茶餐廳，因為驚人多走失，於是學傷殘人士，一個搭一個手臂慢慢行。
