崔建邦自上周涉嫌毆打o靚模女友鄺敏慧後繼續龜縮，其舊愛唐詩詠昨出席活動時，維護舊愛，揚言：「冇俾人打過。」至於o靚模Lavina（鍾蕙芝）和Rainbow（胡心諾）昨在活動上，更重演崔建邦搶手機及示範用鉸剪腳夾人，擺明寸爆崔建邦。
崔建邦舊愛唐詩詠昨日於灣仔出席遊戲展活動，在被問到舊愛崔建邦涉打鄺敏慧，唐詩詠稱事件令她感纏擾，她說：「好似睇電視劇。」
訪問期間，唐詩詠一度眼濕濕，但她澄清是因為現場太焗。有傳事件中有人劈腿，她說：「以前嘢唔想講。」問到可有被崔建邦發脾氣時以粗口罵過，她擰頭說：「唔記得，玩就有。」對於崔建邦，唐詩詠仍很維護：「肯定過去幾年我都冇俾人打過。」
至於鄺敏慧把與崔的肉麻短訊公開，唐詩詠說：「如果愛佢，唔應該將呢啲私事拎出嚟，係私隱。」至於會否覺得鄺敏慧博宣傳，她說：「唔知係乜目的，博宣傳有好多方法，不如睇聖經啦！等佢靜啲，聖經有好多道理。」
另外，o靚模Lavina和Rainbow昨出席活動時，上演短劇暗寸崔建邦打人，Rainbow與男模扮搶手提電話，Lavina則任旁述叫Rainbow：「用鉸剪腳夾佢啦。」Lavina事後回應說：「想表揚個女仔勇敢，遇危險要報警。」
