崔建邦大前晚（22日）涉嫌毆打o靚模女友鄺敏慧而被警方拘捕，經調查後獲准保釋，下月初再到警署報到。事件發生後，崔建邦一直龜縮拒作回應，形象插水，而無綫截至昨日為止，共接獲5宗觀眾投訴，直指崔建邦形象欠佳，不應再讓他出鏡。同時又有網民在facebook上成立反崔建邦群組，大罵崔建邦不應打女人，至今共有約200多人加入。
儘管無綫高層何麗全前日指崔建邦將全面停工，原本由他主持的《十大勁歌金曲總選》及《娛樂十大奇案》則考慮換主持，但崔建邦一向深得無綫總經理陳志雲愛錫，據悉在陳總力撐下，崔建邦星途力保不失，如期在明晚Boxing Day亮相幕前，與宋熙年及龔嘉欣一起主持《娛樂十大奇案》。
無綫明晚8時半播出的《娛樂十大奇案》，是總結09年娛樂新聞的特備節目，據知十大新聞中只有曹格與側田街頭毆鬥、衞詩與關楚耀在日本涉嫌藏毒被捕及劉德華、黎明和楊千嬅這3位天王天后秘密結婚等，但崔建邦哄動全城的涉嫌打女友一案，無綫卻未有列入十大，認真諷刺兼離奇。
記者昨日致電該節目監製張嘉玲，問到為何仍堅持用崔建邦任主持，以及為何崔建邦涉毆打女友不入十大新聞時，張嘉玲說：「因為節目一早錄影咗，係喺嗰件事未發生之前錄影。」宋熙年昨日則透露《奇案》於兩星期前錄影，暫未接獲重新再錄消息。
另一方面，記者昨日致電鄺敏慧，問到她心情是否已平復及崔建邦可有再聯絡時，她說：「多謝關心，我今日唔會出街，想喺屋企休息吓，我唔想再講任何嘢。」
鄺敏慧經理人陳小姐則說：「我有同佢傾電話，佢話仲好唔舒服，噚晚瞓唔到，受驚過度，雖然佢媽咪陪佢瞓，但夜晚都會紮醒，同埋有啲痛唔舒服。」再問鄺敏慧何時復工？陳小姐說：「未知，睇佢身體狀況，始終佢精神壓力又大又緊張，估計最快都要聖誕之後。」對於崔建邦舊愛唐詩詠暗寸鄺敏慧博宣傳，陳小姐表示不清楚不作回應。
網友：希望賤男消失
無綫高層陳志雲的愛將崔建邦，涉打o靚模女友鄺敏慧，事件登上港聞頭條，惹來大批網民狂插，直指崔建邦不應打女人。
woofyboo：我希望崔建邦呢個賤男主持喺《東張西望》報道番自己呢單新聞，然後以後消失！
mmtsin：作為一個「散打王」，冇理由冇辦法在一個不傷人嘅大前提之下制服唔到一個20歲o靚妹。
Ivy126hk：同得你一齊唔認都算喇，大家分手嗰時都只係關心啲相/sms會唔會公開出去，真係心都淡，仲要俾人粗暴對待，俾着我都唱衰個衰人。
女校女生：如果中巴（鄺敏慧）只係同阿吹喺埋一陣都俾佢打，咁唐詩詠成3年會否被佢打多幾鑊？
歡樂小鎮：佢人品真係好有問題，一腳踏兩船都算，仲要打女人。
