周秀娜和莊思敏昨日在將軍澳齊以藍色服裝示人，抱病在身的周秀娜封胸晒青春，席上她跟曾批評她的莊思敏雞啄唔斷，更被穿大露背裝的莊思敏搶晒鏡。
莊思敏和o靚模周秀娜、A.Lin、DaDa、Annie G.、Hailey C.昨日在將軍澳MCL戲院大堂，出席「Little Gobie」記者會，大會指定嘉賓以藍色打扮為主，師姐莊思敏以大露背短裙成功搶鏡，周秀娜卻收起性感，她解釋說：「可能飛得太多，唔係好舒服，前幾日頭痛，今日又屙水幾次。今日係要迎合個記者會，有青春，就收起性感。」
雖然近日天氣寒冷，但男fans見到Chrissie的噴血三點式，必定全身熱辣辣。
日前羅凱珊（Kama）又指周秀娜再出寫真沒有價值，似乎Kama是衝着周秀娜而來，周秀娜說：「前幾日我喺日本，好多嘢都唔知，我覺得佢都屬於係我朋友，一定唔係敵人。」
莊思敏一向跟o靚模劃清界線，席上她只跟周秀娜有偈傾，她說：「我同Chrissie（周秀娜）好少私下聯絡，見到面就講工作，咁我見到佢最多，所以多嘢傾。」莊思敏對住其餘的o靚模全程沒有交流，她們是否真的很難溝通？莊思敏說：「咁好少見，好難加把嘴埋去。」
此外，周秀娜寫真Kissy Chrissie video版今日於香港、日本同步推出，內容包括49分鐘Chrissie在塞班的拍攝花絮，入面更會解構周秀娜雪糕之謎。
周秀娜升呢成為吸金王後，最近推出藍光碟搵真銀。
