最近吳卓羲(Ron)在新劇《巴不得爸爸》飾演楚慈一角，意外回到過去重遇父親陳錦鴻，雖然劇情被指炒足港產片《新難兄難弟》毫無新意，但吳卓羲的鬼馬演出卻好評如潮。
據知吳卓羲因為與佘詩曼、官恩娜及江若琳先後傳緋聞，08年開始被無綫下令返大陸拍劇洗底，至今拍了三套劇都係做男主角，帶挈吳卓羲賺3百萬人仔。
向來愛車如命的吳卓羲，早前以120萬換入Benz SL 500跑車。升呢又換車，難怪佢自己都話：「自己心態變咗！」
09年︰120萬Benz
11月24日，吳卓羲駕駛其120萬的Benz跑返回將軍澳電視城開工，新車黑色車身一塵不染，看來吳卓羲平日有洗車的習慣。
吳卓羲換車都算頻密，07年他以70萬的Audi鬼祟接送佘詩曼，更被本刊斷正。08年他換了出名極速的Fairlady跑車，以及一架三菱Pajero四驅車。買車全以有型有款有速度為準則的吳卓羲，早前賣掉兩部車，再以120萬買入Benz SL500。這車屬Benz跑的高階型號，除性能強外，仲有電動開合玻璃頂，賣相冇得彈。
我依家唔要速度，要安全同穩陣。（真實對白）
洗底變發圍
買得起過百萬Benz跑，全因吳卓羲過去年多因禍得福拍了三套大陸劇，賺了300萬人民幣。據知情人士透露：「阿Ron向來受力捧，弊在緋聞多。官恩娜之後再加埋阿佘，搞到佢好似好花弗咁，公司怕佢影響形象，安排佢轉攻大陸市場，諗住佢一排唔喺香港，啲觀眾就會淡忘。拍咗三套劇再加啲登台活動，都賺咗幾百萬o架！」原來早年吳卓羲與林峰主演的無綫劇《大唐雙龍傳》在大陸非常受歡迎，所以他在大陸拍的三套劇《生死諜戀》、《濃情一生》及《大丫鬟》，全部都擔正做男主角。
在大陸拍一個20集的劇已賺100萬，人仔咁好搵，吳卓羲當然食髓知味，明年會繼續接大陸劇。他說：「已經知道公司幫我傾緊三、四個大陸劇，出年依然會主攻國內市場。不過公司又唔想我忽略香港市場，所以明年一月會返香港拍一套新劇。」
07年︰70萬Audi溝女車
年本刊直擊吳卓羲駕駛Audi由寓所出發，原本匿在車廂後座的佘詩曼，在途中鬼祟跨到前座，吳卓羲屈佘斷正（右圖）。
08年︰34萬三菱Pajero代步車
為方便日常開工代步，吳卓羲去年買了一架二手三菱Pajero四驅車，不過因為架車年事已高，每年都要驗車，所以吳卓羲早前已把車賣掉。
08年︰36萬日產Fairlady Z飄移車
至於白色的日產Fairlady Z，吳卓羲就話因為基於安全理由要賣，「架車易跣軑唔安全，之前就話學飄移，依家唔學，想揸架穩陣啲。」
唔再追求速度感
對於賺到錢即換車，吳卓羲話：「賺錢係其中一個原因啦！之前嗰架Fairlady係飛仔車，係為咗跟錢嘉樂學飄移而買，平時揸都有危險，好易跣軑。年紀大咗想揸架穩陣啲嘅車，心態上係有改變，以前追求速度感，依家安全至上。（新車馬力都大，係咪為咗方便接載女仔避記者呀？）咁多記者車，點避得晒呀！」
至於俾網友讚演技有進步，佢就話：「拍呢套劇時都有難度，我成日要提醒自己係現代人，唔好受其他對手影響。第一次拍呢類戲有咁嘅成績都好開心。」
08年《濃情一生》
吳卓羲08年開始發展大陸市場，拍了《濃情一生》(見圖)及《生死諜戀》兩套劇，兩劇共40集，共賺約200萬人民幣。
吳卓羲憑新劇反彈
雖然近期無綫新劇《巴不得爸爸》被網民圍插狂抄93年港產片《新難兄難弟》，不過橋唔怕舊最緊要受，喺冇期望就冇失望下，呢套劇出奇地被一眾網民睇好。有唔少人仲大讚劇中演員演得出色，尤其平日大多數飾演戇直青年嘅吳卓羲，都被大讚演技大躍進。
