今年年中，唐詩詠難忍男友崔建邦「雜食」，斷然分手，更明言：「我同佢分咗手，以後唔想再提呢個人﹗」未幾唐母突然病逝，唐詩詠極度傷心，崔建邦乘虛而入，成功箍煲。但花心男死性不改，近日更有傳搭上中巴混血少女Elizabeth（鄺敏慧）。今次唐詩詠終於死心，狠撇花心男，了斷5年情，更立即搬離昔日畢架山愛巢。
唐詩詠今回終能狠下心場，不再回頭，全因身邊已有新護花使者。新男友是無綫二線藝員黃嘉樂，戀情萌芽個半月。
12月1日︰鬼祟上新歡車
唐詩詠沿途不停講住電話，睇準時機閃上新歡黃嘉樂的車鬆人。
今年28歲的唐詩詠與崔建邦拍拖5年，男方不停偷食，夜蒲ɚ女file成尺厚。今年一月，有傳崔建邦帶台灣模特兒Renee返家過夜，又被傳媒踢爆在夜店手拖徐淑敏。唐詩詠難忍他雜食而分手，但前後不足兩星期，兩人再復合。
唐詩詠為免戀情曝光，刻意不在寓所上車，詐詐諦步行去買涼茶，試探有無人跟蹤？
寸崔建邦新女
不過，有指今年8月，爛玩爛蒲的崔建邦，替J2節目《打出十人巷》做客席導師時，與參選的中巴混血少女Elizabeth撻着。唐詩詠得悉後，怒撇花心男。傳媒致電向她求證時，她更寸爆話︰「大家唔好再叫我崔先生女友，以後我一個人賺錢養家。（有冇追求者？）一路都有，以前對眼閂埋，依家會望清楚。（識唔識Elizabeth？）我唔食巴西菜，太熱氣！」
唐詩詠與崔建邦分手後，火速戀上無綫奀星。據其閨中好友透露：「Natalie（唐詩詠）同Amigo（崔建邦）分手後，就接受咗嘉樂（黃嘉樂），其實拍劇時佢哋已經好啱傾，Natalie連感情煩惱都同佢傾吐，傾傾吓就拍起拖囉。」
就唐詩詠轉冧黃嘉樂求證崔建邦，他表示：「我哋一向都係好朋友啫，冇講過拍拖！（之前影到你哋一齊返畢架山愛巢喎！）可能嗰次係一大班朋友上嚟我屋企玩呢！（係咪Elizabeth介入？）梗唔係啦！」但一問到舊愛火速有新歡，崔建邦即酸溜溜話：「唓！佢哋拍拖關我咩事？（你識唔識黃嘉樂？）知邊個，但唔識！」
拍劇撻着個半月
唐詩詠與新歡黃嘉樂，是數月前拍攝台慶重頭劇《鐵馬尋橋》混熟，劇中二人飾演兄妹。黃嘉樂跟唐詩詠經常有對手戲，最後發展成「兄妹戀」，不過對於剛萌芽僅個半月的戀情，二人分外保護。
上月18日，黃嘉樂到唐詩詠的廣播道寓所，接載她到電視城，為翌日的台慶綵排。唐詩詠本來站在廣播道等候男友，但後來發現記者，即時縮回停車場，不停打電話又不時探頭觀察外面情況。十分鐘後，她裝作若無其事步行出來，其間不停四處張望，然後到涼茶舖買飲料，不久黃嘉樂駕着橙紅色SMART座駕到達，她即火速閃上車，返回電視城。台慶當晚，唐詩詠也是坐嘉樂的車到大坑會合鄭嘉穎等人食消夜，然後
唐詩詠自己有部甲蟲車，昔日與崔建邦拍拖時，也會載男友返家。今次自己有車唔揸，鬼鬼祟祟坐人哋車，仲唔係有蠱惑？
新歡大讚好女仔
上周二（1號）黃嘉樂返無綫拍攝新劇《onlyyou》，對於追到唐詩詠，他大耍太極：「我哋拍《鐵馬尋橋》時，同其他演員感情好好，會約出嚟食飯。（有冇單獨約會？）冇，大家有保持聯絡。（影到你接送唐詩詠喎﹗）順路啫！（佢同崔建邦分手。）係咩？我哋唔會講呢啲嘢！（係咪你介入佢哋戀情，介唔介意俾人話係第三者？）自己唔介意被指第三者，但我哋唔係拍拖。」
問他與唐詠詩有冇發展機會，他支吾以對：「呀……我依家最在意自己事業！（覺得唐詩詠點？）幾啱傾，佢係一個好女仔囉！」
唐詩詠喪母後，崔建邦大獻殷勤，經常陪食飯，又在坑口溫馨打邊爐，此情此景已不復再。
黃嘉樂
31歲
二線藝員
第17期藝員訓練班入行，最初在無綫只是三線藝員，但劇集一套接一套，重頭劇都有佢份，如《烈火雄心Ⅲ》救護員。
曾擔演電影《我的最愛》
揸SMART約15萬
唔介意被指第三者！
唐詩詠與黃嘉樂（灰衫者）因為拍新劇《鐵馬尋橋》混熟，與崔建邦分手後，唐即接受新歡黃嘉樂追求。
崔建邦
07年奪得「飛躍進步男藝員」大獎。
無綫大show主持鐵腳，除了《勁歌金曲》，近日為他度身訂造的《My Name is邦》清談節目。
揸50餘萬Audi TT，自投10萬A字頭車牌，加改裝，約70萬。
