周汶錡（Kathy）、莊思敏與貝安琪前晚於中環Emporio Armani出席時裝派對，甚少夜蒲的Kathy透露聖誕會在台灣度過，Kathy說：「呢排好少喺香港，之前成日出埠，嚟緊會去台灣同國內工作，會留到新年，聖誕會喺台灣工作中度過。」問她男友可會飛去台灣陪她過聖誕，她說：「唔會啦，嗰邊有朋友陪都唔覺得悶。」至於聖誕禮物Kathy自言與男友很少交換禮物，她說：「同男友相識多年都唔會互送禮物，家寧願做多啲善事。」與Kathy拍拖多年的法籍男友Julien Lepeu曾有「偷食」前科，問她離開香港怎樣實男友？她說：「叫記者實，唔好再講啦，都過咗去。」
另外，莊思敏前晚出席派對時，對於有翻版阿Sa之稱的o靚模Monique日前承認藏毒，而且上庭應訊前仍在吸毒，莊思敏指她敗壞風氣，她說：「唔多唔少都會令人覺得圈中人唔珍惜自己，社會唔同階層都有呢啲人，應該要盡快糾正，家長亦要教育。」她又自爆亦曾遭友人在飲品中落藥，幸好一早發現。
