馮德倫執導的電影《跳出去》，因受到男主角陳冠希淫照事件影響，無法在內地上映，被迫刪剪陳冠希原有的戲份，改由立威廉補拍，幾經波折下，電影終於有望重出生天。
馮德倫日前在金鐘接受訪問，對受陳冠希拖累影響上映進程，他表示從沒怪罪於陳冠希，並說：「我冇嬲過佢，成件事佢都係受害者，而且已經變成歷史，重拍都完成。」
女主角張雨綺在戲中飾演村姑，原來在馮德倫心目中，張本身也是一名不折不扣的村姑，馮德倫說：「佢未拍《長江7號》時星爺（周星馳）已經介紹畀我識，當時覺得佢講說話好大聲，我覺得佢現實中都好有村姑味，反而係周星馳嫌我將佢個造型整得唔夠醜。」
from:
http://hk.apple.nextmedia ... art_id=13439429
