![張雨綺再婚拍拖70日閃嫁土豪圖片1](http://static.apple.nextmedia.com/images/apple-photos/apple/20161027/large/27ec4p2.jpg)
現年30歲、曾演出《長江7號》嘅「星女郎」張雨綺,2011年喺西安宣佈同導演王全安領證結婚,老公王全安於2014年被爆嫖妓被捕,兩人翌年離婚。事隔一年,張雨綺噚日透過微博「張雨綺工作室」公佈再婚,佢同姓袁嘅內地土豪富商相識10天就相戀,拍拖70日即閃婚。
![張雨綺再婚拍拖70日閃嫁土豪圖片2](http://static.apple.nextmedia.com/images/apple-photos/apple/20161027/large/27ec4p1.jpg)
張雨綺噚日喺微博自爆再婚。微博圖片
![張雨綺再婚拍拖70日閃嫁土豪圖片3](http://static.apple.nextmedia.com/images/apple-photos/apple/20161027/large/27ec4p3.jpg)
張雨綺早前同老公被影到一齊睇上海豪宅,估計係共築愛巢。互聯網圖片
![張雨綺再婚拍拖70日閃嫁土豪圖片4](http://static.apple.nextmedia.com/images/apple-photos/apple/20161027/large/27ec4p4.jpg)
張雨綺五年前嫁導演王全安,但兩人去年離婚。資料圖片
上海豪宅築愛巢
內地網民極速將姓袁土豪起底,張雨綺新任丈夫叫袁巴元,係復旦大學博士,有著多年證券、基金從業經驗,目前坐擁多間公司,財力雄厚。另據知情人士透露,張雨綺同老公喺今年7月2日男方公司舉辦嘅活動中認識,兩人一見鍾情。
「張雨綺工作室」微博仲以「貝拉公主」已經找到「野獸王子」形容一對新人,話張雨綺同現任老公係一段恰到好處嘅相遇,留言:「相信愛的人會一直得到命運的眷顧。謝謝大家的關心和祝福,惟願安安靜靜的攜手,平平淡淡的生活。」據內地報導指,張雨綺早喺本月初已被影到同神秘男現身上海機場,當日張雨綺穿上超短熱褲,兩人拖手甜蜜逛超市,更約埋一齊睇上海最貴嘅住宅區,估計係共築愛巢。
撰文:馮仁昭
from:
http://hk.apple.nextmedia.com/entertainment/art/20161027/19812987