夏天過去冬天將至，一向穿得少布的口靚模怎麼辦？鍾蕙芝（Lavina）於今年夏天成為「峰」頭躉，但秋天涼風一到，其聲勢即時下滑！到底她是否被天氣「秒殺」？還是蓄勢待發創造另一個高「峰」？
今個夏天，鍾蕙芝Lavina的見報率比許多天王天后還要厲害。除了增加知名度及工作外，還得到「萬箭穿心」的負面新聞！早前莊思敏狠批口靚模熱會在冬天消失，現在夏去秋來，Lavina的工作量及見報率真的直線下降，她亦坦承說：「的確工作真係減少咗，不過聽番啲客戶講連啲藝人都少咗工作。嚟緊聖誕同新年我會再出擊，唔會因為咁而放棄！」
向司儀界發展現時身處「逆境」的Lavina有自己的看法：「一定要接受低潮同高潮期，紅嗰陣唔可以驕傲，低谷時亦唔好輕易放棄，我會趁呢段時間積極備戰。」有意向司儀界發展的Lavina，現在不斷看書增值，決不做無內涵的人。
始終Lavina能上位全靠其E Cup身材，但她絕不介意以此作為焦點：「我唔介意人哋留意我身材，我性感係工作上嘅需要，客戶搵得我做嘢，希望我可以性感啲，我冇理由抗拒，我唔會咁不負責任。」
對於多位模界前輩批評，Lavina說：「我會接受善意有用嘅批評，但惡意嘅中傷，我會毫無疑問進行反擊，我係一個唔會妥協受委屈嘅人！」
