傅穎（Theresa）早前才向金牌大風要求解約，但昨日她已火速出席由胞姊傅娜代為接洽的慈善活動，現場更由新經理人星皓的高層傍實到場，Theresa全程表現風騷，似乎未受合約問題困擾，更順道公開與星皓的合作關係。Theresa不但趁星皓一姐林嘉欣萌去意之時攝位而上，也擺明向舊公司金牌示威兼宣戰，極不畀面。
傅穎在02年加入女子組合Cookies闖娛樂圈，05年開始獨立發展，其間一直獲金牌大風力捧，但最近卻跟公司意見不合，Theresa日前向公司發律師信提出解約，合約問題仍在解決中，但她已簽約王海峰旗下的星皓做新經理人，涉嫌違反舊約。Theresa昨日高調出席商台與保良局在將軍澳合辦的慈善獎券開售剪綵禮，她表示活動是由胞姊傅娜代為接洽，而新公司星皓更派出高層護駕，擺明要剃舊公司眼眉。雖然金牌前日向傳媒發聲明推翻Theresa的食穀種言論，並指對失實言論保留法律追究權利，Theresa非但沒低調行事，昨日更高調出巡，穿上白色透視露肩上衣配長褲出席慈善活動，身邊更換上星皓經理人部董事總經理彭淑霞（Polly）和兩名同事陪同到場，現場還有近30名fans拉橫額兼吶喊為偶像造勢。
穿上露肩裝的Theresa，昨日由星皓高層彭淑霞（右）和同事（左）陪同見傳媒。
傅穎Theresa未受合約糾紛影響心情，昨日獲約30名fans到場造勢谷人氣。
傅娜（右）替胞妹Theresa接下昨日的慈善活動，以實際行動支持她過檔新公司。
Theresa昨日首度以星皓旗下藝人身份亮相，以勝利香肩示人，狀甚風騷，她主動解釋活動是由胞姊傅娜代為安排，Theresa更由Polly陪同接受訪問，她甫開口便說：「多謝傳媒喺呢段時間對我嘅包容，多謝金牌過去7年嘅栽培，今日係我簽新公司第一日見傳媒，有好多嘢都需要詳細交代。」談到合約由金牌大風和TalentBang同時擁有，解約必須三方同意，Theresa說：「上個月金牌大風主動同傳媒講公開解約嘅事，當日佢哋主動講願意無條件解約，我問過律師嘅意見，要有一個正式嘅回覆，所以出咗律師信畀金牌大風，內容係接受金牌大風嘅offer願意無條件解約。家正式簽新公司，以前嘅事唔會再諗，希望將來有更加好嘅發展。」對於金牌大風前日在聲明中，強調Theresa過去3個月工作不斷，指她月入6位數字收入，Theresa平靜說：「我認為係不實，要攞證據證明一定有，不過我唔方便亦唔想講太多嘢，交畀律師處理。」
稱合約問題已解決金牌CEO陳輝虹寸Theresa愛搵律師解決問題，她早前便向金牌發信交代解約回覆，她說：「我聽律師嘅意見，發咗律師信畀佢哋（金牌）之後，已經係解咗約，係律師咁講畀我聽。」到底金牌收律師信後可有回覆時，Theresa呆一呆地表示前日金牌大風向傳媒的聲明已經是回覆，但記者質疑聲明內容並不代表接納解約，她則說：「我發嘅律師信係有法律效用，我可以簽新公司，我因為聽晒律師嘅意見，做晒自己嘅手續，我家解咗約。」Theresa花在諮詢律師費用，星皓可有提供協助？她說：「舊公司嘅事希望可以自己解決，新公司非常支持將來嘅發展，我家想專心工作，其他嘢交晒畀律師處理。」身邊的Polly插嘴：「唔一定要打官司，仲有其他方法解決，雖然我哋唔清楚簽星皓之前嘅事，但係我哋已經鋪好路，安排佢嘅發展。」
全家支持轉新公司Polly還否認星皓曾給予Theresa一筆生活費，Polly說：「我哋啱啱先簽約，而且呢件事亦啱啱先發生。」問到Theresa會否擔心被指反骨時，她說：「我都係有原因先離開，多謝公司對我嘅栽培，我有我嘅原因。」Theresa這次跳槽，獲全家支持，其姊傅娜昨日接受電話訪問時說：「對於Theresa同公司解約嘅事，家人會全力支持佢，家我個妹會放鬆心情去面對挑戰。」
Theresa獲新公司星皓力撐，難怪昨日現身公開活動時，表現風騷。
