一直以驕人身材出位的趙碩之最近演出新戲《我要做o靚模》扮演o靚模經理人，日前她和周柏豪到深圳拍片，當中趙碩之穿起低胸裝大騷性感，而周柏豪則瞓身扮女人，其樣貌更不比趙碩之遜色，驟眼看都相當省鏡。
今年熱爆的o靚模熱潮，近日已退卻，但仍有電影公司開拍以此為題材的新片《我要做o靚模》，《我》片由趙碩之、周柏豪、陳若嵐（Melody）及賈曉晨等主演。日前趙碩之和周柏豪在深圳為新戲拍外景，身材逼爆的趙碩之，在戲中飾演o靚模經理人，周柏豪是其男友，當日拍攝一場試鏡戲份，趙碩之以超低胸造型出現，帶同男扮女裝的周柏豪到模特兒公司試鏡。
周柏豪為扮女裝更加神似，首次嘗試戴胸圍和加墊，可惜仍波平如鏡。
周柏豪悉心男扮女裝相當神似，當他和趙碩之合照時的確雌雄難辨。
趙碩之以超低谷胸裝拍攝新戲，驕人身材呼之欲出。
周柏豪在戲中犧牲色相扮女人，更自稱Lady Tiger，擺明影射一直被指是男扮女的美國歌手LadyGaGa，為拍片而初次試戴胸圍的周柏豪說：「第一次戴bra後，先至知道女仔真係好辛苦，男仔可以瀟灑好多，因為冇束縛。」周柏豪在片場不時嗲聲嗲氣與工作人員開玩笑，他表示接受不同造型的新嘗試，但看見自己在鏡中的女人模樣卻倒胃，更不敢上妝後走到街上見人，他說：「為咗做嘢出街就冇問題，私下就唔好咯！」
黐膠紙扯損皮膚趙碩之笑言，初次看見周柏豪的女模造型已經忍不住笑，她說：「見到佢個胸裝咗好多嘢，忍唔住即刻用手摸吓。」趙碩之表示已為周柏豪提供裝胸及保護身體的意見，她說：「我知佢有黐膠紙，但係太大動作會扯損皮膚，我自己之前試過整損晒，所以提醒佢唔好黐太實。」趙碩之更大讚周柏豪扮女人也甚為好看，但說到若然男友扮女人，卻有所保留，她說：「如果男友係玩吓嘅心態都可以接受，但係扮到咁出街就唔好。」
