莊思敏兜口兜面踩o靚模

o靚模Lavina（鍾蕙芝）、Rainbow（胡心諾）、Monique（周凱盈）及美味天使陳蕊蕊（柑桔），昨日聯同自稱「翻版蔡少芬」的Roxanne和「翻版周麗淇」Suey兩個新o靚模，在西九龍出席國慶最紅Fashion Show，莊思敏則以前輩身份擔任catwalk顧問，並與Lavina齊穿紅嫁衣壓軸出場。

Lavina和Monique（右）雖然同樣以背心示人，但效果卻有着天壤之別。

Rainbow（右）和Monique同是o靚模出身，不過欠缺後勁，人氣明顯大不如前。

[img]http://static.apple.nextmedia.com/images/apple-photos/apple/20090920/large/20ec1p11.jpg[/img
]美味天使陳蕊蕊身材有睇頭，難怪獲邀請行騷。

莊思敏在台上應司儀要求指出各o靚模行騷的好與壞，她指Rainbow寒背，陳蕊蕊有潛質，及Lavina比想像中好，但落台後莊思敏卻對記者說：「嚟到現場至知要同o靚模一齊做，即時着咗火，之前搵我做呢個job係話教啲新人行catwalk，嚟到至知係一群o靚模。」問莊思敏是否嫌棄o靚模？她說：「我都講過以佢哋高度行騷好牽強，如果係夏天少女服裝騷仲可以，去到大牌子就唔得囉。」記者指她在台上卻稱讚Lavina等人，她說：「所以我都有講過四肢健全都可以學catwalk，但同全面嘅模特兒係兩件事。」至於被莊思敏稱讚的Lavina說：「其實我入行日子好短，今次係我第一次行catwalk，所以心情都好緊張，Jacquelin（莊思敏）好nice，教完我之後個心定晒。」Rainbow則謂會接受莊思敏的意見，多留意自己的缺點再予以改善。


Lavina雙峯一出即時搶盡鏡頭，莊思敏（右）事後指與o靚模同場令她「着咗火」。

莊思敏叉晒腰出口不留情，似是對一眾後輩展示真正模特兒風範。

Lavina低胸上陣，於眾模之中最為搶鏡。

o靚模異軍突起，令到一班正牌模特兒冇啖好食，當中以吳浩康女友莊思敏反應最激烈，對o靚模全不留情，愈插愈甘。昨日莊思敏與鍾蕙芝及胡心諾在商場活動上狹路相逢，聲稱事前不知要與一眾o靚模同場的她，當堂扯晒火踩到盡話：「四肢健全都可以學行catwalk。」實行有你冇我。

這個暑假「炒熱」了o靚模，青春無敵加上人氣高企，故深得不少活動單位歡心。相對一班原本收入穩定的模特兒，工作量受影響，其中騷價三萬元的莊思敏首當其衝，難怪她出席活動每碰上o靚模都如仇人見面，分外眼紅。

彈胡心諾寒背

昨日莊思敏連同鍾蕙芝（Lavina）、胡心諾（Rainbow）、周凱盈（Monique）、「柑桔」陳蕊蕊、「翻版蔡少芬」Roxanne及「翻版周麗淇」何雅靜（Suey）等，出席西九龍中心的時裝騷，莊思敏以導師身份作出評語，她在台上已不吐不快，直指Rainbow有寒背問題，反而Lavina的表現比她想像中好。

落到台下，莊思敏更着晒火，當她跟Rainbow及Lavina一起接受訪問時，被問到與o靚模同場是否降格？她一臉無奈解釋到場才知道：「下次應該講清楚。」

其後當Lavina及Rainbow完成訪問離去，莊思敏再說：「我『着咗火』成個鐘。我接工作時同我講係教新進model，有朋友見到廣告有Rainbow之後同我講，我都有啲愕然，開頭以為一個，嚟到先知係一群。我唔介意教新人，但佢哋高度行show係勉強。（先讚後踩，怕唔怕畀人話虛偽？）唔係，我講緊四肢健全嘅都可以學行catwalk，但係咪做到全面嘅model就係第二件事。」

自責冇問清楚

雖然莊思敏表示不知與o靚模同場，不過安排是次活動的Admond強調早已發電郵給莊思敏，廣告亦於三星期前見街。對此莊思敏透過電話再作回應，她表示接工作時活動並未出廣告，而且她也不是跟Admond直接聯絡。至於Email一事，她說：「我只見到張海報有Rainbow同陳蕊蕊，要怪就怪我冇問清楚中間人啦！」

另外，莊思敏前晚於又一城行騷，被問到與馬來西亞富家子黃千肯的緋聞時，她澄清二人只是普通朋友。