洪天明與周家蔚早前被指已註冊結婚，天明昨日避談此事，更謂人總要結婚，並說：「講咗出嚟會有阻礙。」他又為劉德華隱瞞婚事講好話，表示藝人未能公開戀情總有原因，希望大家不要迫得太緊。
洪天明、陳法拉、李司棋、伍詠薇和黃長興昨日於奧海城為無綫新劇《有營煮婦》宣傳，昨日洪天明被問到女友周家蔚時，即轉話題借蒙嘉慧過橋，他說：「我啱啱同蒙嘉慧拍劇，仲拍咗兩場激吻戲，俾佢控制晒我，佢好主動，我好少俾女仔控制晒。」
洪天明（左）和陳法拉炮製美食，天明談到女友周家蔚（小圖）時表現避忌。
問洪天明是否與周家蔚結婚？他說：「你哋咪上網查囉！人總要結婚。」至於何時才肯公開戀情，他說：「等感情穩定啲先，唔好迫我哋咁緊啦。」洪天明又為劉德華隱瞞婚事說好話，他說：「要體諒佢哋，一定有自己苦處先唔可以公開，每一樣嘢都唔可以只睇單方面。」問他是否有感同身受的感覺時，他說：「好多嘢o架！要明白好多事唔係唔想公開，有時講咗出嚟對某啲事係會有阻礙，唔可以怪我哋唔講。」問洪天明何時才肯公開戀情？他說：「就算真係拍拖，同邊個都唔需要第一時間公開，要等感情穩定啲先。」談到與周家蔚有何阻礙，他說：「工作囉！同埋我身邊仲有好多女仔o架嘛。」另外，陳法拉首次為劇集唱主題曲，她自言給自己70分，問到可有去緋聞男友Neway太子爺薛世恆的卡拉OK練歌時，她說：「卡拉OK都未有呢首歌。」陳法拉自言能煮得一手好餸，問到男友可有試過？她說：「個個朋友都試過，個個食完都有讚。」
