陳奕迅（Eason）、謝安琪（Kay）和張繼聰三個緋聞男女，前晚前後腳出席商台活動，對於近日的緋聞，Eason和Kay異口同聲表示有人搞出來的。至於Eason嫂徐濠縈則被拍到與陳冠希（Edison）出埠旅遊，她昨日即表示老公與Kay出街也不會有問題。
其他娛樂名人影片陳奕迅前晚與譚詠麟等人結伴到洲際酒店，出席商業電台五十周年酒會，Eason到場不久，謝安琪才到場，見二人沒有交流，而Kay的丈夫張繼聰也有到場。對於Kay早前演出時被台下觀眾大叫「收皮」，問Eason會否安慰她，他說：「我唔知乜事，關我乜事呢，我再講阿Kay嘅新聞係好無聊，因為我講過好多次我同佢係同公司、係朋友，因為接觸多咗先傳出咗荒謬嘅傳聞，我開始懷疑有人搞事，係時候要停啦。」
Eason表示與Kay的緋聞太荒謬，是時候終止了。
謝安琪表示以後不會回應與Eason的緋聞。
張繼聰與太太謝安琪在會場內站在一起。DV圖片
早前何韻詩就被傳是搞事者，Eason即替她辯護說：「佢一定唔會，呢件事傳得太過份，我親自講過好多次冇咁嘅事，大家寫唔緊要，因為有言論自由，不過希望家長唔好畀小朋友睇，因為會影響判斷力，小朋友唔識分是非黑白。我屋企只有《國家地理雜誌》同卡通書，所以個女唔會睇到。」前晚慶祝活動期間，前後腳入場的張繼聰與太太站在一起，有傾有講。及後，Kay以一身大露背裝趕到灣仔會展擔任音樂會的表演嘉賓，對於她和Eason的緋聞已牽涉到五角關係時，她說：「關我乜事，自己冇睇過，好離譜，當電視劇咁睇，自己no comment，冇乜感覺。」至於Eason認為是有人搞事，Kay也認同說：「我冇諗太多，有咁多事發生，一定有人搞出嚟，自己唔會去諗乜人搞同乜原因搞，自己已發聲明，但連續劇就仍繼續，一路都未完結，總之以後呢啲新聞都唔回應。」Kay強調前晚到商台晚會已預了與Eason合照，不過最後因為塞車才未有合照。Eason太太徐濠縈早前被拍到同Edison出埠，她昨日出席手錶活動說：「我都叫Edison唔好咁好心同fans影相，將啲相放上網後有不負責任嘅報道。我同Edison睇騷行街有幾出奇啫，我同陳伯（Edison）加埋有5個人一齊，Edison同Eason係兄弟嚟。」
婚後冇人追怕不怕被指與Eason各有各玩？徐濠縈說：「佢唔得閒，個女放暑假我都要放o架，你哋戴有色眼鏡睇人，佢都係我朋友。」問她婚後有沒有異性追求？她說：「邊個敢挑戰歌神Eason。」至於記者問徐濠縈會否接受Eason和Kay出街？她說：「冇問題，我哋日日都知道大家去咗邊。」湊巧，Eason前晚出席活動時，更穿上Edison任老闆CLOT的衫，難怪與農夫的C君撞衫。
