鍾鎮濤和女友范姜繼囡囡鍾懿後，將迎接兩人的第二個愛情結晶品。懷胎4個多月的范姜，預產期為明年1月，她揚言今胎陀得辛苦，容易疲倦，形容為「日日擔泥」般，至於55歲再任父親的鍾鎮濤，更怕與BB年齡差距大，將來被BB誤認為「爺爺」。
王仁曼舞蹈學校舉辦的「明日之星2009」舞蹈表演，前晚在沙田大會堂舉行，吸引了一班明星名人媽咪如徐濠縈、范姜、郭錦恩、明美連和何志恩等帶同子女捧場。
「日日擔泥咁」帶了5歲囡囡鍾懿到場的范姜，謂正忙於為女兒找小學，她說：「忙緊交form，佢下年升小學，家周圍交表。囡囡都有學芭蕾舞，學咗1年，冇乜天份呀，亂跳，好自由咁四圍跳，好似爹哋。」范姜懷孕4個月，她謂今胎陀得特別辛苦，她說：「好攰、好辛苦，上一胎7個月先俾人發現，今次好快，日日擔泥咁，行幾步就好攰。同埋今次係意外，本來諗住要嘅話，趁住鍾懿仲細時追，家佢都5歲，佢都少少唔開心，囡囡好重，想抱吓佢都唔得。」
下周知性別范姜謂要多謝小鍾懿為她保守懷孕的秘密，問到今胎是男定女？她說：「下星期先知，想要女多啲，因為家姐啲衫仲着到，B哥（鍾鎮濤）就冇所謂，佢反而有啲擔心，怕BB會叫佢爺爺。」徐濠縈則透露女兒陳康堤已習舞兩年，有紋有路，也不擔心跳芭蕾舞會令女兒小腿變粗，她說：「唔怕，自己細個都有跳。」小康堤就十分精靈，更表示爹哋陳奕迅比自己跳得叻。。
如果您喜歡這篇文章，請按「讚」或分享給您的朋友，以示鼓勵。
