楊秀惠、姚子羚和張嘉兒昨日以嘉賓身份，出席在油塘舉行的攝影比賽頒獎禮。有指因孫耀威有新戀情，令楊秀惠一拖二夜遊向舊愛示威，昨日楊秀惠被問到此事時，她笑稱雖然自己人緣好又靚女，但當晚兩名猛男只是好友和契哥，並非追求者。
「做朋友好過」
楊秀惠笑說：「我嗰兩個朋友睇完報道後，即刻打電話嚟話多得我唔少，但佢哋話好彩被人稱呼為猛男一號同二號。家我都冇諗住拍拖，以前我都試過為咗呢啲事搞到唔開心，諗番轉頭都覺得唔值得，所以不如唔好拍拖，啱傾嘅話做朋友好過。」至於是否因為與孫耀威分手而有感而發？楊秀惠即笑說：「我哋都冇話過拍拖，大家做朋友好開心呀。」
如果您喜歡這篇文章，請按「讚」或分享給您的朋友，以示鼓勵。
