脫離o靚模行列的Janice Man（文詠珊），昨日束了一頭青春短髮、穿上民族裙，與o靚模同工宣傳。面對兩個勁敵Angelababy與周秀娜凌厲走勢，鬥到日本行騷，她表示各有各做，不會比較，反而視老闆娘樂基兒為奮鬥榜樣。
其他娛樂名人影片黎明新寵Janice Man（文詠珊）昨日在九龍塘出席Swatch The ArtistCollection揭幕禮，升呢做「模art」的Janice Man姍姍來遲，她與o靚模、新邦民女陳嘉寶（Anjaylia）、「Canon廣告女郎」蔡穎恩（Evelyn）同場，待遇及表演活動也和o靚模一樣，不介意與o靚模為伍。
JaniceMan否認遲到，她說：「我好準時o架，去咗briefing。」問她獲安排跟o靚模同工，她說：「冇話同乜人合作，睇工作囉，係公司安排。其實我今日特登整咗個短髮，清爽啲，因為成個夏天都係長髮，每日整頭洗頭都超過一個鐘頭，好辛苦。」昔日好姊妹Angelababy和周秀娜均將赴日行Tokyo Girls時裝騷，同是元祖級的JaniceMan可有機會去日本行騷？她說：「未有呢個打算，做好手頭啲工作先，唔會話唔開心。」外間常將她和Baby比較，認為她不及Baby紅，她說：「同行咁多人，唔通個個都係敵人咩？我冇得control，大家做唔同階段嘅嘢，我之前休息咁耐，唞夠，家做嘢都好開心。」問到可會視樂基兒為榜樣？她說：「Yes,ofcourse，佢係前輩，我都想似佢拍多啲雜誌、廣告。」
此外，Evelyn將為東亞運動會做火炬手，她大感榮幸說：「我家成日喺屋企對住鏡跑，怕到時跑得唔夠靚，唔夠醒目。」新邦民女Anjaylia下月返樹仁大學讀新聞，她透露不會出席迎新營。
Janice Man一改一頭東洋潮女的長曲髮，穿黃裙示範Swatch膠錶。
