袁彌明曾多次喺公開場合狂轟o靚模，擺明同o靚模唔妥，噚日佢就同成班o靚模喺澳門狹路相逢，仲同鍾蕙芝（Lavina）、尹蓁晞（Yumi）等一齊喺澳門星際酒店參加「撲克王名人慈善賽」，袁彌明同近日負面新聞多多嘅Lavina同樣以性感服飾示人，即時搶盡風頭。
袁彌明甫見鍾蕙芝Lavina即刻質問佢當日為乜缺席由自己主持嘅有線節目。
放大圖片
同樣勁多負面新聞的Yumi噚日就力撐Lavina，可謂同病相憐。
（左起）Suey、Lavina、A.Lin、吳文忻、Kama、Yumi、Melody同袁彌明噚日齊集澳門賭啤，未鬥賭術先鬥靚。
不過袁彌明就擺明嫌棄同佢哋同場，雖然佢哋有影合照，但一影完就極速彈開，佢仲同馮仁昭講事前係唔知有o靚模喺現場，佢話：「其實我之前推咗個job係有佢哋，自己雖然都係行性感，但唔想同佢哋歸納一齊，佢哋有啲多負面新聞，總之一次就夠，我唔係嫌棄佢哋，係有得揀想保持少少距離，道不同不相為謀。」
Yumi俾人呃影床照至於近日被指喺深圳出席活動後坐枱陪酒嘅Lavina，噚日一見傳媒就怒氣冲冲話：「好失實，冇證冇據，好嬲，我絕對會採取法律行動，告一個亂講嘢嘅人作出誹謗，Bowie（活動中間人）個人格好卑劣，佢臭名遠播，自己以後都唔會幫佢做嘢，亦都唔會行差踏錯。」此外，同樣被指做援交嘅Yumi亦力撐Lavina話：「我支持佢同信佢，係誤會嚟。」而Yumi昔日嘅床照最近流出，佢解釋當時係被「龍友」呃，所以喺床上影相，佢話：「嗰時我得19歲，佢話啲相會登喺雜誌，但最後冇，自己都好後悔。」
