先排因為陪老公練海棠去新加坡旅行，缺席港男選舉嘅伍姑娘伍詠薇，事後好多觀眾投訴，埋怨今年睇唔到佢笠住氧氣罩反白眼、見到泳褲濕身男就想吞落肚個樣，令港男選舉跌watt！
觀眾受落，伍姑娘處於興奮狀態。
上個禮拜六（八月一日），《壹》仔响銅鑼灣白沙道見到佢兩公婆行時裝店，伍姑娘對住相熟sales整古整怪，搞到對方笑到彎晒腰。
誇張行為陸續有來，當伍姑娘發現《壹》仔响度影相，即刻伸長條脷，又紮紮跳，之後仲單腳屹起做出雙勝利手勢。
過度活躍症發作，伍姑娘索性行出門口做恭喜發財，又問《壹》仔：「你邊間o架？唔好影啦！」把口唔想上鏡，但佢繼續轉換「甫士」，《壹》仔想收手都唔得！
係咪登封面呀？（設計對白）
伍姑娘發現《壹》仔存在，即刻伸脷V晒手，仲响鋪頭入面亂咁跳。
擺出恭喜發財手勢叫《壹》仔手下留情，但緊接又做出伸脷藐嘴甫士，行為分裂。
伍姑娘一個藐嘴動作，令sales笑到肚攣。
老婆多表情，練海棠都唔差。
