張學潤（Nelson）最近投資六位數字，與友人合資開設形象學校，Nelson希望令時下港女內外俱美。由於近日o靚模氾濫，故Nelson特別找來莊思敏改造o靚模，莊思敏坦言入字腳的Rainbow企唔穩。
張學潤近日與友人合資一間自我增值形象學校SPACE BEAUTY，更特別找來身邊幾位專業好友擔任導師，其中莊思敏就為該校擔任catwalk導師，兩人日前就找來o靚模胡心諾（Rainbow）做變身實驗。Nelson認為Rainbow的服飾沒有個人風格，故他特別借來多件凸顯Rainbow身形的優點服飾，他說：「佢呢嗰年齡係有少少尷尬，不過都要有番自己風格，咁佢本身髮型有少少日本味道，所以我揀咗短裙去襯佢，而且佢對腳都OK，幫到佢好多。」
《揀戰衣》Nelson認為短裙可凸出Rainbow身形的優點。
放大圖片
《學擺甫》莊思敏指導Rainbow行catwalk及擺甫士，即時糾正她的缺點。
導師訓話一針見血模特兒莊思敏面對新進o靚模，流露出大牌導師風範，即場指導Rainbow行catwalk及擺甫士，莊思敏亦大膽批評Rainbow說：「佢行路唔好又企唔穩，入字腳同寒背，呢啲都係好多香港女仔嘅通病，咁佢天生條件絕對冇問題，亦都冇乜嘢改唔到，其實行騷真係要用晒全身嘅力，所以每次工作完之後都好攰。」Rainbow表示完全接受兩位導師指導，她說：「真係好開心有兩位前輩指導，以前都有學過化妝同影相嘅知識，咁今次又學識唔同嘅嘢，我都會努力咁學習，佢哋好有耐性咁教我，講嘢都好一針見血令我好易明白，有機會我都想再嚟上堂，令自己可以學多啲嘢。
