香港小姐競選於本月22日（周六）舉行，臨近比賽仍是非多多，7號鍾溥敏繼被爆夜蒲攬仔及大學出貓後，最近又被爆在酒吧當「拳手」，因猜枚高強而客似雲來，鍾溥敏大方承認曾蒲吧，猜枚只為陪友消遣而已。
無綫香港小姐競選舉行在即，連日來10位佳麗繼續集訓，不過是非不絕，7號鍾溥敏（Mandy）早前除被拍到當街攬仔夜蒲後，又被爆大學一年級考試出貓，她已認錯改過，估不到她繼續是非纏身。
「職業無分貴賤」日前有讀者報料指鍾溥敏兩年前曾在尖沙嘴「第一吧」任職拳手（猜枚），由於是猜枚高手故成為客人搶手貨，愛向顧客索貼士。昨日鍾溥敏到電視城為才藝表演錄影，她直認去過該酒吧：「兩年前我有去過，因為有個朋友喺外國返嚟，個朋友鍾意去呢間吧，所以佢返嚟幾個月我哋成日有去玩，不過我唔係去做拳手，或者成日去俾人誤會，因為我哋一班朋友係有玩猜拳。」問她是否猜到滿場飛，她說：「我只係同自己啲朋友猜，我都唔係高手，只係玩吓啫。」鍾溥敏兩年前仍就讀樹仁大學，她說：「即使係做拳手都冇所謂，職業無分貴賤，拳手都係一份正當職業，我自己就冇做過拳手。」
縮胸周秀娜5號馬詠恩扮一身狂野look打鼓獻藝。
（左起）2號林潔瑜、8號熊穎詩及4號劉倩婷在無綫安排下分別以跳舞作才藝表演。
2號林潔瑜儀態萬千，惟恐迷你裙洩春光。
此外，昨日無綫安排10位佳麗才藝表演錄影，該節目會在下周六（15日）晚於特備節目《美麗體驗北海道》播出，今次大部份佳麗的才藝是由無綫安排，鍾溥敏一身魚網襪及高衩打扮大跳士的舞，不過她恐防走光，經常用帽子遮掩下半身，她說：「我有打底，我冇學過士的舞，跳舞唔係我嘅強項，不過跳舞可以有啲動感。」有縮胸周秀娜之稱的5號馬詠恩，昨日的野性打扮似足周秀娜，她說：「我好少咁着法，不過幾有型，我本來想彈琴，不過已經有人做咗。」8號熊穎詩坦言跳hiphop扇舞是由公司安排，她也未學過跳舞，只曾學瑜伽，至於2號林潔瑜則以一身金色短裙跳現代舞。
雖然是非纏身，不過7號鍾溥敏魚網絲襪騷長腿跳士的舞，仍然有睇頭。
