星期一（二十七日）下午，《壹》仔收到風，話官恩娜喊住咁去咗九龍塘浸會醫院。
五點半，終於見到戴住口罩，坐住輪椅嘅官恩娜由醫護人員推去停車場上車。原來當日Ella喺上水屋企跌咗落樓梯，雖然只係幾級，但右腳腳踭即時腫到似豬蹄，所以要入院check吓。
二五話醫生初時見佢隻腳腫成咁，都擔心會骨裂，好在照過X光後冇事，但就要留响屋企休息最少五日。
幾日啫，大條道理搵外籍男人陪，冇死！- (id:kenwchch)
即日出得院，醫護人員扶Ella起身，篤住枴杖，單腳跳上車。
冇骨裂，官恩娜唔使打石膏，但要紮實腳踭，以免再扭傷。
早排《壹》仔影到外籍男友出入Ella上水香閨，喺醫院期間，Ella亦不時講住電話，英語對話，應該係同男友報告傷勢。
