踢爆21歲的Lavina連日夜會25歲的衣架大王太子爺劉德俊（William），原來William本身已有同是o靚模嘅正印女友Fiona（胡希文）。緋聞曝光後，William為安撫女友Fiona，急急補鑊發聲明，跟Lavina劃清界線。而Fiona驚金礦被搶，亦以未婚妻身份，暗寸有人為錢追其男友，又自爆有孕5個月，力保其正印地位。
釣金龜無望，被蒙在鼓裡的Lavina亦不甘示弱，即拖交通警正印男友Alex示威曬甜蜜。拍完拖Lavina更索性拖男友返自己柴灣公屋過夜，繼續纏綿。
在Lavina夜會衣架大王太子爺William報導出街當日，William即向傳媒發聲明，指與Lavina只是工作關係，並冇追求之意。之後William正印女友接力出招，發聲明暗寸Lavina：「本人Fiona也曾經是o靚模，有上《美女廚房》，現與同居男友WilliamLau感情要好。本人已有5個月BB，將於12月生女，希望有些女孩子不要因為本人男友或老爺有supercar有獨立house就企圖接近追求本人男友。」
男友係交通警
事後Lavina不忿William對她隱瞞有女友，隨即反擊：「我同佢只係朋友，同朋友食飯係正常社交，佢唔係我心儀對象，我唔會鍾意有女友嘅男人，我有意中人。」幾日後，她便高調拖6呎正印交通警男友Alex出巡。
論有米，Alex雖不及太子爺William，但現職警察，今年27歲的Alex家境亦不俗，曾擁有法拉利等名車，去年由朋友介紹認識Lavina。不過Lavina為了剛起步的事業，在別人面前只承認大家是好朋友。
「Alex做咗警察5、6年，依家屬於交通部。舊年佢哋識嘅時候，Lavina都未紅，但唔代表佢容易追，啲人成日話香港女仔有公主病，但Alex成日同朋友講笑話Lavina係皇后病。佢哋出去食嘢，Alex會好細心切好曬，有時仲會餵埋佢食。Alex憑住細心打動Lavina，但佢前前後後都追咗4、5個月，依家拍咗拖3個月。」知情者透露。
本週二（28日），Lavina在銅鑼灣出席完《衝天救兵》首映禮後，未待完場已急急離開，走到有寵物街之稱的景隆街，原來她是去先會合男友Alex。逛了一陣寵物店後，兩人便乘的士到鰂魚湧太古坊的露天泰菜「ThaiOrchids」撐枱腳。初時兩人十分警覺，但及後發現附近的顧客全是外國人後，兩人便見親密。直至十一時多，Alex埋單後便乘的士送女友回柴灣漁灣邨香閨。Lavina向來與患有腳疾的母親同住，原以為Alex安全送女友上去後便會離開，但記者守候至凌晨3時也未見Alex離去，相信當晚Alex留在女友香閨過夜。
唔信Lavina貪錢
本週三（29日）記者致電Lavina，問到男友上門過夜一事，她說：「佢怕我唔安全，所以送我上樓。（佢成晚無離開喎？）唔知呢！」說罷稱要工作便收線。隨後記者致電Alex，問其女友因早前與富家子William撐枱腳而被指貪錢，他平靜地說：「首先我唔信佢會鍾意啲咁矮嘅男仔，而且其他人講嘅嘢我唔會理，但我哋嘅交往唔係講錢，亦唔信女友係貪錢嘅人。（你尋晚係咪喺佢屋企過夜？）我唔會答！」便立即cut線。
William：佢使唔使話我矮
被Alex暗寸矮仔，約5呎7吋高的William忍唔住反擊：「高矮嘅嘢邊有定義。我唔係太高，但亦唔係叫矮。我又無做過傷害佢同佢女友（Lavina）嘅事，佢使唔使咁大反應話我矮。」
對於Lavina拖仔示威，William就話：「佢拖邊個與我無關。報導話佢男友有錢，我唔明拍拖同有錢有咩關係。（你仲好留意對方新聞喎。）唔係留意佢，係因為牽涉到我睇嚇啫。」
facebook曬恩愛
William拍拖兩年的同居女友Fiona在facebook上載了多張相片，大部分都是與男友親密照，亦有她與未來老爺的合照，證明她在劉家地位穩固。
William舊愛鄧穎芝：佢有好多女性朋友
據知去年初William跟Fiona一度分手，之後便與歌手鄧穎芝拍拖，其後鄧穎芝更進駐男友九肚山豪宅，與劉父及劉祖母一起生活近半年，但最後因發現男友與Fiona藕斷絲連，才主動退出這段三角關係。
本週二（28日），記者趁鄧穎芝離開西環的錄音室上前訪問，她承認曾跟William同居：「呢啲都係之前一齊嘅事，唔想再提。（聽講當時你發現William同Fiona好多曖昧短訊，所以先分手？）當時我係知佢同前度女友有好多sms，但諗住男友唔係無情嘅人，所以初時無干涉，到後期先為呢啲事嗌交。不過我哋分手最主要原因係性格不合。（佢係咪好花弗！）佢係有好多女性朋友囉。」
對於舊愛鄧穎芝暗指他曾一腳踏兩船，William不置可否，只說：「我唔想再回應以前嘅嘢，總之我唔覺自己花弗，亦唔信Vangie（鄧穎芝）咁講，因為到依家我哋都係好朋友。」- (id:kenwchch)
迷暈鎖 與William斬纜後，本週二（28日）Lavina拖正印男友Alex拍拖示威。對住Lavina幾粒鐘都未夠喉嘅Alex，索性跟女友返歸過夜。當Lavina行到柴灣漁灣邨寓所附近，即用樹熊手勾實男友，搞到Alex好鬼冧。
o靚模崛起搞到滿城風雨，向來多是非的Lavina不單沒有因書展完結而靜下來，今個星期五更會轉戰動漫節，參加「Image Girl 2009」比賽。
返香閨過夜 晚上十一點半，Alex隨女友回柴灣寓所後，至凌晨三點仍未離開。
箍實啜啖 本週二（28日）晚，Lavina先會合警察男友Alex，然後到銅鑼灣寵物店睇狗仔，其間勁冧Lavina嘅Alex情不自禁啜她一啖。
食殘廢餐 雖然少咗一個金龜勁敵，但Alex未敢鬆懈，在太古坊撐枱腳期間視女友如皇后般服侍，啖啖cake都要男友餵入口，變相食殘廢餐。
搣面珠 Lavina撒嬌，摸嚇男友塊面，Alex就冧到搣番女友面珠，成晚雙眼都無離開過Lavina。
上週衣架大王太子爺William因與Lavina約會曝光後，即縮沙唔敢再見Lavina。
衣架大王太子爺的正印女友Fiona，著起晚裝同樣波濤「胸」湧，跟34E Lavina有得揮，睇嚟勁身裁嘅女人先係William杯茶。
眼甘甘 Lavina（左圖）與Fiona（右圖）同是今輯《美女廚房》美少女廚神，真係冤家路窄，不過睇鄭中基個表情，就知道邊個誘惑力強。
正常望 《蘋果日報》圖片
同劉父慶生日 衣架大王劉璜生日，有份出席慶祝的Fiona繑實男友William的嫲嫲，儼如一個新抱仔。
現年25歲、曾當o靚模的Fiona，於07年一個廣告活動中認識貌似方力申的William後火速撻著，現時已少有接job。
慳住拍拖 縱然家族坐擁億萬身家，但William與Fiona搭飛機出埠旅行，都只坐經濟客位，又會慳成咁！
