o靚模Lavina（鍾蕙芝）前日突然退出動漫節Image Girl選舉，有指她不滿大會邀請未夠班的趙碩之、戴夢夢和Melody（陳若嵐）做評判，眾女昨日雖然同場，卻未有碰面，Lavina指稍後見到也不會尷尬。
昨早Lavina先替參展商做宣傳，稍後再到另一攤位宣傳1,000本限量版寫真集《夏之盛放》，獲大會安排約10名保安貼身護駕，Sony為安全計，更替Lavina等5名o靚模各自買下100萬元保險。寫真集昨午約4時已差不多賣完，只剩下十多本。得知Melody被摸臀非禮後，Lavina大感驚訝，卻表示不擔心自己被胸襲，她說：「有保安唔怕，我從來未俾人非禮過，或者我個樣生得惡。」但提到趙碩之和戴夢夢異口同聲指Lavina唔同grade，她說：「呢啲見仁見智，我自覺唔應分grade。」Rainbow（胡心諾）則表示對周秀娜的肖像攬枕沒興趣，她說：「諗得好咪好，諗得邪咪邪。」採訪：馬建華攝影：林德雄
鍾蕙芝Lavina穿上參展商制服行天橋，吸引大批龍友拍照。
