早前在公開場合被胸襲的鄭融，剛推出入行5年來首張新曲加精選《鄭．融精選》，故近日密密曝光，昨日又到新城宣傳。新碟中3首新歌由她御用班底陳少琪及莊冬昕監製，其餘精選舊歌鄭融也有參與揀歌工作，她說：「喺揀歌時真係勾起呢幾年嘅回憶，最難忘當然係有段時間俾公司雪藏，好在有好友薛凱琪同張敬軒嘅鼓勵同支持，先至安然度過。」拍攝這張新曲精選封面，鄭融也吃盡苦頭，她說：「當日氣溫有成33℃，我哋喺郊外取景。我都唔理政府宣傳片勸告，着住超短裙，瞓喺草地上擺甫士，唔使一陣手臂同大髀就俾蚊針到出晒紅印。」郊外取景另外，由於發生了容祖兒拍的電器店廣告出現抄襲事件，鄭融表示會小心處理，若發生同類情況會很不開心，多年前自己的歌曲《不變》其中一段副歌與一首舊英文曲同樣，也難過了一段日子。
鄭融日前到郊外拍唱片封套，手臂和大髀都被蚊狂針。
