蘇永康早前剛完成了在美加PALA賭場舉行的「給您幸福百樂浪漫之夜」演唱會，工作之餘不忘放縱shopping吃喝玩樂，他說：「難得開懷，我一於唔理自己磅數，食咗先算，返到香港上磅竟然發覺自己冇增磅。」蘇永康近年主力在外地登台搵真金銀，幾乎有華人的地方他都演唱過，他說：「呢幾年都係過飛人生活，淨係今年頭半年，已經去咗美加4次，內地同澳門更加多到數唔清。」將到星馬開騷康仔續說：「嚟緊9月到11月已經確定咗會去新加坡同雲頂唱，有時公司同我講咁樣飛來飛去，怕唔怕太辛苦，建議我停落嚟休息一吓，我就話家有錢唔賺老來實後悔，而且我咁鍾意唱歌，一啲都唔辛苦。」
蘇永康早前在美加登台搵銀，今年頭半年已穩袋百萬酬勞。
